يمه وينك ؟ انت وينك؟

كل ماطار الفراش اعرف ان امي انطفت يمه ويني نامت اسنيني علي تلتحف من برد عمري مامعاي الاّ عيونك تقطر الدمعه في بالي تطفي البرد ويجيي زولك بداخل عيوني احضن عيوني وانام هزهزي البرواز ادري صح يمه ؟! مثل ماكنتي أتهزهز باغنياتك يمه نامي تمشط الصوره عيونك تشعلي دمك تدفي الغرفه من بحات صوتي مجَدله شيبك تقولي آه يانذر (ن) نذرته تفتحين كروت عرس وترسمين ابشوت عرسي البس الأسود في بالك البس البني في بالك البس الأبيض ترفضين ؟! الكفن يطري في بالك صح يمه ؟! يمه ادري همك هو وجودي هو زواجي تشوفي عيالي _- وتموتي =_ تغرّبيني لا لمحتي شروق ربعي تلملميني من زوايا البيت حتى تتجه للقبله روحك وتلتقي وياها روحي بكل صلاه واعرف انك باخر ايام الضوى وغافين فيك الفراش كل ماطار الفراش ادري ان امي طفت ضايقه من التَنْك يمه كحتك كنها بصدري آه لوني عنك شلته في ضلوعي وجيت أسير صدق تعالي موعدك عند الطبيب اذكر اني مسجله في شهر تسعه رحتي يمه والا طاف ؟! لا يطوف ادري ماعندك يايمه غيري احد ياخذ الكرت ويجدد كل مواعيد الطبيب يمه نامي ,, نامي يمه الأسر هو نام فيني والله مايقوى يزع زع شخص راضع من حليبك او يهز يايمه شعره من ونات شيبك قولي اقدار وخذتنا ورحنا اسرى ويعني اسرى ماهو لازم مثل هذا اليوم نعرف من عدوك من صديقك ؟! يعني جوع ما اجوع وانتي اصلا تذكرين عزة النفس ويميني ماوصلت اكل ولو هي نفسي تدفعني عليه يعني حريه يايمه اجمل الحريات والله اني اقيد كل عمري ولا يتضايق صدر شارع من رئة خطوات فاجر تاطى مسلم مانطق الا الشهاده بإصبعه ووقف فجر لاغسلك الدمع يمه قولي فدوه لعيون الشواطي لاغسلها المد قامت تنقذ الناس بفرحها بعد ما كانت حزينه أدري همك هو وجودي هو زواجي تشوفي عيالي وتموتي مثل همي اني اشوفك قبل لايطير الفراش خلي همي اني طالب يد بلادي ومهرها ابقى أسير حتى لو طار الفراش .. حتى لو طار الفراش حتى لو طار الفراش انتَ وينك انتَ وينك ؟؟ من زمااااااااااااااااااااان كنت ادور في وجيه الناس عنك وجه وجه..... وجه وجه ..... ولالقيتك في زوايا البيت ادور في الشوارع في الصباح اللي تشّرب غترتك في المكان اللي فرشته بالجريده لما تقراها وتشرب كل صباحي قهوتك وآخذ الفنجال حتى تقرى حظك لي عجوز ترفع البسمه تقول فيها لِك شي بيتحقق وفيها له شي ثمين ليه مقلتي فيها لي شي بيتهدم وفيها له شي حزين اثر كنتي تكفرين انت وينك تسأل الاشجار عنك لنا ترمي فوق ظلها كل ظلك لنا تسقيها بدمك هي تبلك ......... تنحني لك تدري انك لو تغيب ينكسر طير وتموت إسأل الايام عني ولا تدري إسأل نعاسن تكسر من صباحك في وريدي إسأل شفاهن هجرها من بعادك ماي بارد ليه ليه تتركني اتوسل واتسول في عيون الناس انا اطلب منهم حفنة حنان انت وينك ماتركت الا بعباتي عطر جسمك من صلاتك وشعرتين بكف مشطك صافحّني وسط بالي واتذكر يالله يمه اخطبيلي والا يعني ماني رجال بعيونك شفتي شعرك الاّ افله في زواجي انت وينك هذي دارك ماتغير شي فيها هذا بوكك هذا عطرك هذا مشطك الا ساعه يوم طاحت من يديني تكسرت لا تخاف جبت ساعه تشبه اللي تكسرت انت وينك ماتركت الا عيونك داخل البرواز تتبع وجهتي من وين اروح ماتركت الا عيونك داخل البرواز تسأل ( يمه وينك ) إنت وينك ! كلمات الشاعر سالم سيار