#15.- atala: Azpisugeak

Edengo lorategian giroa ez dago hasieran bezain gozo. Ikerrek uzkur jarraitzen du, Jarek beraien arteko harreman hasi berriarekiko azaltzen dituen zalantzen aurrean eta kobazuloan aldendu eta are barrurago lo egitea erabaki du haserre. Han ordea, lotan zegoen suge bat itzartu eta hankan heldu dio. Pozoiaren sendabideren baten bila itsasertzera hurbilduko dira presaka Iker eta Jare eta, bertan, haien bila zain dauden Pompidou eta Nizarrekin egingo dute topo. Sendabideak itxaron egin beharko du hala ere, Pompidouk, inor ohartu gabe, hiru gazteak lokartuko bait ditu Petrikiloaren edabeaz baliatuz. Eibarren giroa ez da hobea. Zakur kutsatuen gorpuen erasoa, Baltzak berriz ere Muñozen aurre egiteko probestuko du, hau haserraraziz. Ezustean, Baltzak Eneko eta Iratik Salahrekin izandako grabazioa aireratuko du ordea, jendeak Muñoz traidore gisa ikusteko. Enekok eta Iratik Aitor topatu eta askatuko dute azkenean, baina honek ere ez du amaiera gozorik izango, Oinatzen traizioaren erruz. _____________ Fitxa Teknikoa: Zuzendaria: Oier Aranzabal. Gidoia: Xabier eta Martin Etxeberria. Aktore zuzendaritza:  Anartz Zuazua.   Aktoreak:  Aitziber Garmendia, Eneko Sagardoy, Iñaki Beraetxe, Itziar Ituño, Anartz Zuazua, Amaia Hennebutte; Sara Cozar, Klara Badiola, eta Bikoiztaile euskaldunen elkarteko kideak.   Soinu diseinua:  Oier Aranzabal eta Jon Gartziak, Ulu estudioan. Jatorrizko soinu banda:  Rafa Rueda eta Aritz Aranburu Irudiak:  Xabier Sagasta Grabaketak:  Xanti Salvador eta Koldo Corellaren estudioan Zuzenketak eta editorea: Juan G. Andrés Ekoizpena eta Koordinazioa: Cristina Tapia eta Xabier Etxeberria   Ulu Mediak EITB podkasterako espresuki ekoitzitako soinu fikzio podcasta.